A Oficina de Cooperación e
Voluntariado da Universidade da Coruña organiza a inauguración da Exposición
Fotográfica PCR-2012. Con esta exposición estase a difundir a convocatoria de
Proxectos de Coñecemento da Realidade (PCR), coa que se pretende dar a coñecer
á comunidade universitaria a dita iniciativa, a partir das fotografías de
experiencias pasadas do alumnado propio da Universidade.
A inauguración en Ferrol terá
lugar o día 13 de Febreiro no Salón de Actos do Campus de Esteiro, ás
17.00 h. Á inauguración acudirán a Vicerreitora de Relacións
Internacionais e Cooperación, Dª Natalia Álvarez Lata, a Vicerreitora de Ferrol
e Responsabilidade Social, Dª Araceli Torres Miño, e o director da Oficina de
Cooperación e Voluntariado, Luís Hervella Nieto.
Haberá unha mesa redonda
que correrá a cargo de tres participantes nas bolsas PCR en anos anteriores
(Beatriz García Ron, Victoriano Fabeiro Balboa e Álvaro Fernández Seco), onde
contarán as súas experiencias en cooperación internacional en países como
Honduras, Nicaragua ou Guatemala. Finalmente culminará cunha
videoconferencia con Víctor Vázquez Álvarez, primeiro alumno que realizou
un PCR, e actual traballador do Banco Mundial en Washington. A inauguración
estará aberta ao público e será de balde.
Ao mesmo tempo, a exposición
fotográfica estará a semana do 13 de febreiro ao 2 de marzo no salón de Actos
aberta ao público, e rotará polo campus de Serantes en Ferrol, na semana do 5 ao
9 de marzo.
No hay comentarios:
Publicar un comentario