BANCO DE ALIMENTOS 

Para facer fronte ao paulatino incremento do número de persoas que teñen dificultades

para alimentarse na provincia da Coruña, a Oficina de Cooperación e Voluntariado e a 

Oficina de Medio Ambiente da UDC, en colaboración co Banco de Alimentos Rías Altas, 

poñen en marcha unha campaña solidaria de recollida de alimentos destinados ás persoas

máis desfavorecidas.

É por iso que desde o día 22 de abril até o día 9 de maio, na cafetaría do seu centro,

se levará a cabo unha recollida de alimentos non perecedoiros: leite, galletas, café,

cacao, azucre, conservas, aceite, sal, legumes e cereais. O último día da campaña, 

pola mañá, entregarase todo o recollido ao Banco de Alimentos para a súa distribución.