Area de Deportes UDC: cursos de vela lixeira

Dende a Área de Deportes da Universidade da Coruña, queremos informarvos dos cursos de vela lixeira que organizamos durante o mes de xullo e que darán comezo a vindeira semana.

Serán cursos de luns a venres en horario de 16:00 a 19:30 horas nas instalacións da Áula Náutica da Universidade no Dique de Abrigo, cun prezo de 40 € (comunidade universitaria) e 60 € (Non Universitarios). Levaranse a cabo sempre que se alcance un mínimo de 4 alumnos/as e un máximo de 12 alumnos/as por curso.

• semana do 30 de xuño ao 4 de xullo
• semana do 7 de xullo ao 11 de xullo
• semana do 14 de xullo ao 18 de xullo
• semana do 21 de xullo ao 28 de xullo

Son cursos abertos a toda a comunidade universitaria; alumnos, Pas e Pdi (con posibilidade para fillos/as de mínimo 15 anos e cónxuxes) e aos Non Universitarios. Todos os participantes deberán ter o Abono Deporte (no caso da comunidade universitaria) ou o Abono Matrícula (no caso dos Non Universitarios).

Máis información e inscricións no seguinte enlace: https://deportes.udc.es/DeporXestWebUDC/actividades/datos.jsp?idActividad=415

Agardámosvos!
Área de Deportes da Universidade da Coruña