•
O mes de novembro está centrado nas persoas sen fogar.
A
Oficina de Cooperación e Voluntariado da UDC pon en marcha este mércores, 27 de novembro, o proxecto
Educación para o Desenvolvemento (EpD), unha iniciativa que busca sensibilizar á comunidade
universitaria sobre diferentes problemáticas de interese social. O proxecto
prolongarase ao longo de todo o curso escolar, centrándose cada mes nunha
temática diferente e traballando co fin de concienciar ao estudantado sobre esa
realidade.
Este
mes de novembro, coincidindo coa
celebración do Día Internacional das Persoas Sen Fogar, os actos programados
para o mércores están orientadas a facer visible a realidade deste
colectivo.
O
calendario de actividades abrirase ás
10.00 h da maña no campus de Serantes en Ferrol, onde se levarán a cabo
diferentes xogos lúdicos. A
partir das 12.00 h a actividade trasladarase ó campus de Esteiro, ao
Centro Cultural Universitario, onde se proxectará o documental de
“Mathilde´s Misses”, un filme que amosa un retrato solidario e humano dun grupo
de mulleres que viven ao marxe da sociedade. Tras a súa proxección abrirase
un debate co público asistente.
Paralelamente,
durante todo o mes de novembro e decembro, poderase contemplar na fachada do edificio do Patín unha exposición do fotógrafo ferrolá Roberto
Amado, gañador do último premio Tiflos de xornalismo dixital, convocado pola
ONCE. Trátase dunha colección de 5 instantáneas realizadas en Santiago de
Compostela e nas que o autor mostra a vida na rúa. A colección posteriormente
levarase ó campus de Serantes.
O
día 28 de novembro o voluntariado desenvolverá as súas actividades na
Coruña.
Neste caso, os xogos desenvolveranse
entre as 10.30 e as 12.30 h na Escola Universitaria de Arquitectura Técnica.
Pola tarde, ás 19.00 h, no salón de
graos da Facultade de Informática, farase a proxección do documental “O mundo
tras Julius”, unha reportaxe elaborada por estudantes que fai un
percorrido pola vida de Julius, un mozo alemán que viviu nas rúas da Coruña
durante varios anos, a través dos ollos das persoas que tiveron contacto con
el.
A
axenda de Educación para o Desenvolvemento continuará no mes de decembro
abordando o tema da escravitude. A violencia (xaneiro), a radio (febreiro), o
medio ambiente (marzo), a seguridade e saúde laboral (abril) e a diversidade
cultural (maio) completan a programación deste proxecto no que traballan
simultaneamente voluntariado da Coruña e de Ferrol.
Para
máis información podes falar coa coordinadora do programa en Ferrol, Aroa
Fandiño (660 68 83 51) ou coa coordinadora na Coruña, Lucía Pintor (699 727
578). O proxecto conta cun blog propio:
mesxmes.tumblr.com
Roberto
Amado (fotógrafo) 646 857 802
Vicerreitoría de Relacións Internacionail e Cooperación. (www.udc.es )
No hay comentarios:
Publicar un comentario