O próximo 2 de decembro celébranse eleccións a representantes de estudantes en diferentes órganos colexiados da Universidade: Claustro Universitario, Xunta de Centro e Departamentos.
É importante a túa participación pois nestes órganos decídense tanto cuestións sobre o goberno da universidade, a elección do decano por exemplo, como outras que afectan á túa actividade diaria: establecemento de horarios, calendarios de exames, aprobación de guías das materias,…
Pensa, ademais, que a participación activa permitirache o recoñecemento de ata 6 créditos do grao que estás a cursar (infórmate aquí).
Se desexas presentarte, recorda que o prazo para facelo é entre o luns 8 e o mércores 10 de novembro.
E se non te presentas, participa co teu voto o 2 de decembro.
Desde hoxe ata o día da votación, probablemente diferentes asociacións estudantís convocarán actos para explicar os seus proxectos e buscar participación. Permanece atento aos anuncios que farán por diferentes medios. Calquera convocatoria neste sentido da que teñamos coñecemento achegarémosvola tamén desde PAT.
Máis información en http://www.udc.es/sobreUDC/secretaria/documentos/eleccions/organosColexiados2010/index.html
No hay comentarios:
Publicar un comentario