O vindeiro venres 8 de xuño, co motivo da celebración do Día Mundial dos
Océanos, a Oficina de Medio Ambiente (OMA) colaborará coa asociación ecoloxista
ADEGA na limpeza simultánea de praias que se desenvolverá ao longo de toda a
costa galega.
O obxectivo desta xornada é concienciar á poboación sobre a problemática
da contaminación mariña. Cada ano preto de 7 toneladas de residuos,
principalmente plásticos, rematan nos océanos. A presenza de refugallos no mar
estase a converter nun mal endémico, que trascende do seu efecto prexudicial
sobre as especies mariñas, para se converter nun problema que afecta á saúde
pública e á economía.
Perseguindo a sensibilización medioambiental da sociedade, a OMA convida
a todas as persoas interesadas a participar na limpeza dun dos areais da Costa
Ártabra, a praia de Canide no concello de Oleiros. Máis información en
http://adega.info/info/090121joomla/novas-de-ea/769-limpeza-simultanea-de-praias-no-dia-mundial-dos-oceanos-2012
Se estades interesados/as en participar nesta actividade é preciso
inscribirse no seguinte correo roberto.rodriguez.calvino@udc.es. O punto de encontro será na praia de Canide ás 11:30 h. Hai transporte
público desde a estación de autobuses de A Coruña no seguinte horario: 7:30,
8:30, 10:00, 11:00, 12:00, 13:30.
De todos xeitos, se precisades transporte ou queredes compartir o voso
vehículo poñédevos en contacto coa
organización.Organizan:
Oficina de Medio Ambiente OMA-UDC
Asociación ecoloxista ADEGA
No hay comentarios:
Publicar un comentario