Estimado/a compañeiro/a:
O pasado día 28 de setembro
asignáronse os Traballos de Fin de Grao (TFG) a todos os estudantes matriculados
nesta materia. Por este motivo, os estudantes están a porse en contacto cos seus
titores para pedir información e organizar o traballo. Escribímosvos para avisar
desta circunstancia e aclarar algunhas cuestións relativas ás titorías do
TFG.
En primeiro lugar, na páxina
web da facultade (http://www.economicas.udc.es/contenido.php?idpag=38&idcon=pag20120423155022) podedes atopar o regulamento, as características
e uns modelos de TFG, ademais doutra información de interese. Nesta páxina tamén
atoparedes a listaxe de titorías ofrecidas (cos códigos dos traballos) e a
relación final de asignacións. Hai que ter presente que é responsabilidade dos
estudantes porse en contacto co seu titor antes da primeira semana de clase do
segundo cuadrimestre.
Detectamos que moitos
estudantes teñen dúbidas acerca dos prazos de defensa e da realización
do curso da biblioteca sobre TFG. A este respecto compre aclarar o
seguinte:
- Con carácter xeral, os
estudantes poderán defender o seu TFG unha vez teñan superadas todas as materias
do título. En particular, na primeira sesión de defensa, que será en xaneiro, só
poderán defender o seu traballo aqueles estudantes que a data de hoxe xa
aprobaron todas as materias (estudantes xa diplomados que aprobaron as materias
durante os anos pasados). Os estudantes que desexen presentar o seu traballo en
xaneiro, terán que entregar o traballo finalizado na administración do centro
antes do día 14 de decembro de 2012.
- A
Biblioteca ofrece uns cursos breves para dotar aos estudantes de instrumentos
necesarios para a realización do TFG; na páxina web da facultade publícanse as
convocatorias destes cursos. A Comisión de TFG acordou que no informe dos
titores para os membros do tribunal figurará de forma expresa a asistencia a
este curso. Noutras palabras, a asistencia ao curso será avaliable, aínda que
non constitúe un requisito legal para a defensa do traballo. Por este motivo,
todos os titores deben pedir aos seus estudantes que realicen este curso, e que
soliciten a información correspondente na biblioteca.
Finalmente, quedamos a
disposición de todos os titores para calquera outra dúbida ou
pregunta
O vicedecano
Paolo
Rungo
Ext.
4423
p.rungo@udc.es
No hay comentarios:
Publicar un comentario