VALEDOR UNIVERSITARIO

Es importante que sepais de la existencia de esta figura:

"A Universidade da Coruña dispón dun valedor universitario da Universidade da Coruña aberto en principio a calquera tipo de consulta ou reclamación que lle puider presentar calquera membro da comunidade universitaria, quer do profesorado, do alumnado ou do persoal de administración e servizos, en defensa ou aclaración dos seus dereitos.
Os procedementos ou modos de actuación do valedor son os seguintes:

• Entrevista persoal: o seu obxectivo é coñecer de primeira man os argumentos do reclamante ou da persoa que fai a consulta e estudar conxuntamente con ela as posibles solucións ao seu caso. Moitos casos poden ser resoltos nesta fase.
• Labor de mediación: o valedor, coñecido e estudado o caso, actúa como mediador entre partes, buscando sempre unha solución que permita compatibilizar puntos de vista encontrados.
• Redacción de informes: o valedor, quer por propia iniciativa, quer por petición das partes interesadas, pode emitir informe sobre o caso estudado, expoñendo o seu punto de vista, co fin de contribuír a unha solución.
• Investigación de oficio: se o valedor tiver coñecemento fidedigno de feitos que puideren atentar contra dereitos de calquera membro da comunidade universitaria, individual ou colectivamente, ou do mal funcionamento administrativo dalgunha unidade ou persoa, pode iniciar unha investigación de oficio que daría lugar a un informe e que sería remitido ás partes interesadas ou ás autoridades universitarias correspondentes, para repararen estes feitos ou erros."

MAS INFORMACION EN : http://www.udc.es/goberno/organos_colexiados_e_estatutarios/valedor_universitario/actuacion/