REMITIDO POLO DECANATO DA FACULTADE DE ECONOMÍA E EMPRESA
Estimados profesores:
Cómpre informar dalgúns
aspectos concretos do procedemento para a dirección dos TFGs correspondentes ao
curso 2013-2014:
1. Prórrogas de
TFG:
O artigo 6.11 do regulamento
de TFGs da Facultade de Economía e Empresa di textualmente:
"No caso de non terse
defendido o TFG no correspondente curso académico, o alumno poderá solicitar por
unha soa vez a prórroga da asignación de tema e de director/a. A solicitude
estará asinada polo director/a."
En consecuencia, a Facultade
establece que antes do 20/09/2013 deberán presentarse as solicitudes de prórroga
de TFG. Podes (non é obrigatorio) empregar o modelo que existe na web da FEE. Os
TFGs prorrogados sumaranse ao número de traballos incluídos na oferta que cada
titor fai dentro do cupo global da Facultade de Economía e Empresa para o curso
2013-2014, de ser o caso.
2. TFG bilaterais:
O artigo 6.18 do regulamento
de TFGs da Facultade de Economía e Empresa di textualmente:
"a) O estudante poderá, así
mesmo, desenvolver un proxecto sobre un tema específico do seu interese, debendo
contactar directamente cun/cunha profesor/a que puidese estar interesado para
que actúe como director/a. Neste caso, deberá solicitalo por escrito ao decano/a
no prazo que se estableza e no formulario correspondente, que terá que ir
asinado polo director/a. Oída a comisión, o decano resolverá. (...)
b) Os traballos asignados
por esta vía non computarán a efectos do reparto establecido polo
departamento."
En consecuencia a Facultade
establece que antes do 20/09/2013 deberán presentarse as solicitudes de TFGs
bilaterais. Podes empregar o modelo que existe na web da FEE. Os TFGs
bilaterais sumaranse ao número de traballos incluídos na oferta que cada titor
fai dentro do cupo global da Facultade de Economía e Empresa, de ser o caso.
3. TFGs do cupo xeral da
FEE.
Nos vindeiros días a FEE
publicará a listaxe de TFGs ofertados polos deparamentos para que os alumnos que
non estean no suposto de prórroga de TFG ou bilateral escollan en acto público e
por orde de expediente académico un TFG.
Os TFGs incluídos na listaxe
teñen recoñemento no POD dos departamentos.
Datas importantes
correspondentes ao proceso:
- Até o 20/09/2013: Solicitudes de prórrogas de TFGs comezados no curso 2012-13 e solicitudes de traballos bilaterais.
- 24/09/2013: Reunión da comisión de TFGs para aprobar a oferta de traballos da FEE
- 25/09/2013: Publicación da oferta de TFGs correspondentes ao procedemento xeral
- 04/10/2013 (ás 18.30 h): Xornada de asignación de TFGs (non entran na asignación nin prórrogas nin bilaterais)
No hay comentarios:
Publicar un comentario