O pasado día 28 de agosto púxose a disposición de todos a nova plataforma de
teleformación gnosis.udc.es baseada en Moodle 2.3.9 a partir da nosa plataforma
1.9.4. Con anterioridade á súa posta en produción, a plataforma foi probada
satisfactoriamente durante máis de 3 meses por un equipo multidisciplinar de
profesorado pertencente á UDC.
Ao longo da semana pasada, o sistema
revelouse altamente inestable en función dun número de conexións variable. Todos
os intentos por solucionar o problema resultaron infrutuosos ata o momento. As
alternativas tecnolóxicas disponibles supoñen un tempo de implementación de 10 a
15 días; dado que o curso xa comezou consideramos que non é axeitado interferir
tanto tempo no normal desenvolvemento da actividade académica da
UDC.
Ante esta situación procedemos a restablecer o servizo na plataforma
orixinal campusvirtual.udc.es. Os novos contidos introducidos en gnosis e non
presentes no campus virtual poderán ser recuperados solicitándoo a innova.sic@udc.es, indicando o código da materia.
Non
dubiden en contactar connosco a través do mesmo mail para calquera dúbida ou
problema que xurda ao respecto.
Un saúdo
Julio
Abalde
Vicerreitor de Titulos, Calidade e Novas Tecnoloxías
=
No hay comentarios:
Publicar un comentario