COMPETENCIAS DE LOS REPRESENTANTES DE ESTUDIANTES

Órganos colexiados dos centros
http://www.udc.gal/goberno/organos_colexiados_e_estatutarios/centros/

A Xunta de Facultade ou Escola é o Órgano Colexiado de Goberno do Centro.
Ten, entre outras, competencia para:

• Aprobar as liñas xerais da política académica do centro.
• Supervisar a xestión dos diferentes órganos de goberno e administración do centro.
• Propoñer a implantación de novas titulacións e a organización de cursos ou estudos de posgrao.
• Elaborar e aprobar as propostas de plans de estudo das titulacións que se impartisen no centro.
• Organizar as actividades docentes para a obtención dos títulos académicos do seu ámbito de competencia, e coordinar e supervisar o desenvolvemento dos contidos mínimos das materias impartidas neles polos departamentos, de acordo cos plans de estudo e cos obxectivos establecidos para cada titulación.

A Xunta de Centro estará composta por:

• O decano ou director, que a presidirá e convocará.
• Os vicedecanos ou subdirectores e o secretario, que o será tamén da Xunta.
• Todos os profesores e axudantes. Os que impartisen docencia en máis dun Centro serán membros da Xunta do Centro no que desenvolvan maioritariamente a súa actividade docente.
• Unha representación dos estudantes nunha proporción do 33 por cento dos membros da Xunta, correspondendo un 31 por cento ao primeiro e segundo ciclo e un 2 por cento a terceiro ciclo.
• Unha representación do persoal de administración e servizos nunha proporción do 10 por cento dos membros da Xunta.